نقاش الحب
أهلا وسهلا بك في منتدي نقاشنا

منتدي الاصدقاء في نقاش الحب


يسعدنا انضمامك الينا



شكرا لك

اوعــي تنضفى شقتك قبل المناسبات

اذهب الى الأسفل

اوعــي تنضفى شقتك قبل المناسبات

مُساهمة من طرف Minister Tomaa في الأحد أبريل 25, 2010 1:51 pm

بسم الله ولا قوة
الا بالله.
أنا موش باحرضك على الكسل أو الأهمال
لاسمح الله.
بس أنا عايزه اساعدك بجد. أنا عايزه أأكد
على نقطة مهمه جدا لما نعمل اى حاجه أول بأول فعلا بيسهل علينا حاجات كتير
أوى . أنا موش عايزه أرغى كتير ونبدأ فى المهم.ليه بنرتبك لما يجى لنا
ضيوف أو نقرب على موسم معين رمضان عيد عزومه . كى لا يحدث ذلك علينا
بالاتى:-خلينا نبدأ بأهم جزء فى المنزل ألا وهو الحمااااااااااااااااااام
فى بيوت كتير يحصل فيها حالة طوارىء لو ضيف استأذن علشان يدخل الحمام تلاقى
اللى جرى يميين واللا جرى شمال كل ده علشان احنا ماعندناش اسلوب ثابت
لحياتنا . أولا ياريت نبدأمع بعض كل واحده تدخل حمامها وتسأل نفسها سؤال هل
ممكن حد غريب فى هذه اللحظه يدخل الحمام وماكونش محرجه سواء من عدم النظافه
او من الأشيااء الموضوعه فى الحمام على أساس أنه جزء مهمل فى البيت .
ماعلينا خلينا نبدأ بالحل .
النهارده برنامج اليوم الحمام فقط كل سم
فيه لازم يكون زى الفل أنا عايزه أأكد على شىء مهم بلاش نربط بين النظافه
والفخامه يعنى ممكن بأقل الأمكانيات اخلى المكان اللى انا عايشه فى جنه.
بعد مانظفنا الحمام ياريت الحاجات اللى انا شيلتها وأنا بأنظف بلاش أرجعها
تانى الحمام بلاش الشماعه اللى ورااء الباب عليها اشى حاجه تخص أبو العيال
على حاجه تخص ام العيال على حاجه تخص العيال نفسهم المنظر موش حلو حتى للناس
اللى عايشين فى البيت .

باسكت الغسيل ياريت
يكون شكله حلو ويوضع فى مكان لايراه اى شخص غريب . بلاش فوطه واحده البيت
كله يستخدمها ونحطها على الحبل تنشف ونرجع نستخدمها تانى كل فرد من أفراد
البيت له فوطه مستقله وكل يوم أغير الفوط كل فرد يكون له ليفه لوحده وممكن
توضع بشكل جميل يسمح بتهويتها علشان البكتيريا وكل فتره تتغير. نظفنا
الحمام وشيلنا الكراكيب وأوعى تنسى شباك الحمام ياجماعة الشباك أهم حاجه ده
من بره عنوان بيتك ومن جوه يمنع دخول الاتربه الموجوده عليها مع اى شوية
هواء الى المكان مره أخرى. اوعوا تكونوا تعتبتوا ده احنا لسه يادوبك فى
الحمام ولم ننتهى بعد . ياريت الشغلانه دى تعمليها كل
يوم الحمام ده أساسى كل يوووووووووووووم شوفى الوقت اللى يناسبك بالليل
لو كنتى موظفه أو الصبح بعد مايخرج جوزك يالسلامه الحوض والبانيو والتواليت
لازم يتغسلوا كويس وتخصصى لهم سفنجه معينه وزى ماأنتى عايزه استعملى اى
مواد تنظيف المهم كل يوم . استنى رايحه فين أنا لسه ماخلصتش لازم يكون فى
الحمام زجاجه زى بتاعى الجلانس حطى فيها شوية كلور وشويه ديتول وشوية ميه
بنسب متساويه وكل ماتدخلى الحمام وتلاقى حد استخدم الحمام وخصوصا اذا كان
فى صبيان وطبعا جوزك ترشى قاعدة التوليت والجزء اللى تحت القاعده بهذا
المحلول وتنشفيها هتفضل ريحة حمامك طول النهار زى الفل . لازم يكون فوق
الكومبينيشن مكان للكلينكس وكل أفراد الأسرة يتعودا ان ماينفعش يستعمل الحمام
ويكون على القاعده نقط بول (سورى)أنا باشوف المنظر ده كتير فى الأماكن
العامه تبقى اللى خارجه من الحمام مافيش حاجه موش عاملها فى نفسها آخر
شياكه وأدخل الاقيها مهانش عليها تنشف والقاعده علشان هى فى بيتها
ماتعوديتش على كده.أوعى تملى ولا تزهقى صدقينى أنا والحمد لله عمرى ماحسيت
بالربكه اللى الستات كلها بتكون فيها نتيجه المواقف دى لما بيكون ده السلوك
العادى لكى بترتاحى. تفتكرة بعد مانعمل كل ده هاتحتاجى ليلة رمضان وليلة
العيد ولما يكون عندك عزومه ولما يجى ضيف فجأة ويدخل الحمام هاتتكسفى مأظنش
. أجعلى من حمامك غرفه أساسيه فى البيت نظافه ورائحه عطره طوال اليوم بأقل
القليل من المجهود.


مما راق لي

وأراكم فى ركن آخر من أركان البيت.


avatar
Minister Tomaa
مشرف

عدد المشاركات : 13
نقاط التميز : 15425
تاريخ التسجيل : 25/04/2010

الرجوع الى أعلى الصفحة اذهب الى الأسفل

رد: اوعــي تنضفى شقتك قبل المناسبات

مُساهمة من طرف نسمات الحب في الأحد أبريل 25, 2010 2:59 pm

في ناس كتير بشيلوا هم لما بتصادفهم مناسبة أو عزومة هالشي بيحصل لأنهم ما بعتمدوا على تنظيف بيوتهم أول بأول وهالشي غير محبب خالص بالنسبة لي
يعنى بس ينظفو بيوتهم لانه عندهم عزومة او مناسبة وطيب وهما كيف بعيشو بمكان مش نظيف

كلام جميل توما
يسلمووو
avatar
نسمات الحب
لؤلؤة المنتدي

عدد المشاركات : 148
نقاط التميز : 16983
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: اوعــي تنضفى شقتك قبل المناسبات

مُساهمة من طرف Minister Tomaa في الأحد أبريل 25, 2010 3:11 pm

عندك حق فعلا يا نسومه عشان كده انا فكرت نعمل جدول وحمله جديده لكل البيوت
وميرسي لمرورك الجميل
وتابعي معايا باقي اركان المنزل Smile
avatar
Minister Tomaa
مشرف

عدد المشاركات : 13
نقاط التميز : 15425
تاريخ التسجيل : 25/04/2010

الرجوع الى أعلى الصفحة اذهب الى الأسفل

رد: اوعــي تنضفى شقتك قبل المناسبات

مُساهمة من طرف sohba في الأحد مايو 02, 2010 12:06 am

نصائح مهمة أختي طمطم.. بارك الله فيك
avatar
sohba
مستشار

عدد المشاركات : 21
نقاط التميز : 15317
تاريخ التسجيل : 25/04/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى